Մահացել է «Ալանիա» ՖԱ-ի նախկին մարզիչը, ով կարիերան սկսել է Երևանի «Արարատում»

Մահացել է «Դոնի Նախիջևան» ֆուտբոլային ակումբի գլխավոր մարզիչ Կալին Ստեփանյանը, հայտնում են «Sputnik Արմենիա»ն՝ հղում անելով ԶԼՄ-ներին:

Ստեփանյանը մահացել է մարզադաշտում ՝ Ռոստովի մարզի սիրողական լիգայի հանդիպման ժամանակ։ Մահվան պատճառ է դարձել սրտի կանգը։

Նշվում է, որ մարզիչը կորցրել է գիտակցությունը, իսկ դեպքի վայր ժամանած բժիշկները չեն կարողացել փրկել նրան:

Կալին Ստեփանյանը ծնվել է 1955 թվականին։ Կարիերան սկսել է 70-ականներին Երևանի «Արարատում»: 1980-ականներին հանդես է եկել Մոսկվայի «Սպարտակում»։ 1998 թվականից զբաղվել է մարզչական աշխատանքով։ 2000-ականների սկզբին Ստեփանյանը մարզել է Վլադիկավկազի «Ալանիան»։