Պուտինը շնորհավորել է Իրանի նորընտիր նախագահին

ՌԴ նախագահ Վլադիմիր Պուտինը շնորհավորական հեռագիր է հղել Իրանի նորընտիր նախագահ Մասուդ Փեզեշքիանին:

«Հարգելի պարոն Փեզեշքիան, ընդունեք իմ ի սրտե շնորհավորանքներն Իրանի Իսլամական Հանրապետության Նախագահ ընտրվելու կապակցությամբ: Ռուս-իրանական հարաբերությունները բարեկամական են և բարիդրացիական: Մոսկվան և Թեհրանը արդյունավետորեն համակարգում են ջանքերը միջազգային օրակարգի ընթացիկ խնդիրների լուծման ուղղությամբ»,- ասվում է Ռուսաստանի ղեկավարի ստորագրած հեռագրում։

Պուտինը հաջողություն է մաղթել Փեզեշքիանին և նշել, որ Իրանի ընտրված նախագահի օրոք ակնկալում է երկրների միջև հետագա կառուցողական համագործակցությունը՝ ի շահ իրենց ժողովուրդների և տարածաշրջանային անվտանգության ամրապնդման։