ՀՀ սպորտի նախարարը շնորհավորել է բռնցքամարտի ֆեդերացիայի նորընտիր նախագահին

ՀՀ սպորտի և երիտասարդության նախարար Յուրի Վարդանյանը շնորհավորել է Հայաստանի  բռնցքամարտի ֆեդերացիայի նորընտիր նախագահ Արթուր Գևորգյանին:

«Հարգարժա´ն պարոն Ա.Գևորգյան,

 Շնորհավորում եմ Հայաստանի բռնցքամարտի ֆեդերացիայի նախագահ ընտրվելու կապակցությամբ: Համոզված եմ, որ  Ձեր պաշտոնավարման ընթացքում ֆեդերացիան կդառնա կուռ կառույց` իր շուրջը համախմբելով ոլորտի արժանավոր  բոլոր ուժերին և դառնալով տանիք ոչ միայն հանրապետությունում՝ այլև նրանից դուրս գտնվող հայ մարզիկների համար: 

  Համոզված եմ նաև, որ հայ բռնցքամարտիկներն այսուհետ ավելի լավ կներկայանան աշխարհին,  մեկը մյուսի հետևից  կգրանցվեն հայկական սպորտի նորանոր ձեռքբերումներ:

  Հավատում եմ Ձեր կամքի ուժին, վստահում եմ անձնային որակներին ու հաջողություն մաղթում մարզական ոլորտում Ձեր  բոլոր նախաձեռնություններում, իսկ ՀՀ սպորտի և երիտասարդության հարցերի նախարարությունը մշտապես սատար կլինի  ֆեդերացայի նոր ձեռնարկներին»,-գրված է եղել շնորհավորանքում: