Իսրայելում ձերբակալվել է ՀԱՄԱՍ-ի քաղբյուրոյի ղեկավար Իսմայիլ Հանիայի քույրը

Իսրայելում ձերբակալվել է պաղեստինյան արմատական ՀԱՄԱՍ շարժման քաղբյուրոյի ղեկավար Իսմայիլ Հանիայի քույրը՝ Սաբահա Ավադ ալ-Սալամահ Հանիեն։ Այս մասին հայտնում է The Jerusalem Post-ը՝ վկայակոչելով Իսրայելի ոստիկանության հայտարարությունը և աղբյուրները։

Հրատարակության տվյալներով՝ 57-ամյա կինը կասկածվում է ՀԱՄԱՍ-ի զինյալների հետ շփման և Իսրայելում ահաբեկչություններին աջակցելու մեջ։ Նրան ձերբակալել են Թել Շևա քաղաքում, որտեղ իսրայելական ոստիկանությունը ռեյդեր է անցկացրել։

Հանիայի քրոջ տանը սպաները գտել են փաստաթղթեր, հեռախոսահամարներ և այլ ապացույցներ, որոնք կապում են նրան 2023 թ. հոկտեմբերի 7-ին իսրայելական բնակավայրերի վրա ՀԱՄԱՍ-ի հարձակմանը: