Հայաստանի միջոցով Անդրկովկասում ՆԱՏՕ–ի շահերն առաջ մղելու փորձ է արվում. Լավրով

Սերգեյ Լավրովն անդրադարձել է Նիկոլ Փաշինյանի վերջին հարցազրույցին, որում նա ասել էր` Հայաստանը ոչ մի վեկտոր չի փոխել։

Ռուսաստանն արձանագրում է, որ Հայաստանի միջոցով Անդրկովկասում ՆԱՏՕ–ի շահերն առաջ մղելու փորձեր են արվում։ Բիշքեկում ԱՊՀ արտգործնախարարի խորհրդի նիստից հետո հրավիրված ասուլիսում այս հայտարարությունն է արել ՌԴ արտգործնախարար Սերգեյ Լավրովը։

Ինչպես նշել է նախարարը, հակառուսական տրամադրությունների սրումը որոշ դեպքերում արհեստականորեն է արվում։

«Մենք գիտենք, թե վերջին տարիներին որքան հասարակական կազմակերպություն է ստեղծվել Հայաստանում։ Այո՛, նախկինում էլ դրանք քիչ չէին։ Այդ կազմակերպությունները չեն ստեղծվում Հայաստանի և Ռուսաստանի միջև բարեկամական հարաբերություններն առաջ մղելու նպատակով։ Ճիշտ հակառակը՝ դրանց նպատակն է հող ստեղծել հակառուսական տրամադրությունների համար և նախապատրաստվել Հայաստանի միջոցով այդ տարածաշրջանում ԱՄՆ-ի, ԵՄ-ի և ՆԱՏՕ-ի շահերի առաջմղմանը»,- ասել է Լավրովը։