կարևոր
3325 դիտում, 11 ամիս առաջ - 2023-04-26 15:35
Քաղաքական

Անելանելի վիճակներում միշտ էլ հնարավոր է գտնել ելքեր, ինչպես 20-րդ դարի սկզբին, այնպես էլ հիմա Արցախում. Գեղամ Մանուկյան

«Նեմեսիս» գործողությունը ընդհանուր համաշխարհային պատմության մեջ եզակի ակտ է, երբ պետականությունից զուրկ ժողովրդի քաղաքական բազուկ ՀՅԴ-ն ողջ աշխարհում նախաձեռնեց որպես համամարդկային արդարադատության մի գործողություն ընդդեմ Հայոց ցեղասպանության պատասխանատու թուրք–երիտթուրքերի, մուսաֆաթականների և դավաճան հայերի. այս մասին այսօր «Նեմեսիս» գործողությանն իրականացրած հայորդիներին նվիրված հուշարձանի դիմաց ունեցած ելույթում նշեց ՀՅԴ անդամ, պատգամավոր Գեղամ Մանուկյանը։

«Խորհրդանշական է հատկապես այս օրերին այս արձանի բացումը, երբ հայության ուշքն ու միքտը Արցախ աշխարհի հետ է։ Խորհրդանշական է, երբ որ անելանելի վիճակներում միշտ էլ հնարավոր է գտնել ելքեր, ինչպես հիմա Արցախում, այնպես էլ 20-րդ դարի սկզբին, երբ մարդկանց մոտ քիչ էր հույսը, որ կարող է արդարադատություն լինել», – նշեց Գեղամ Մանուկյանը։