Ռուսաստանի ռազմավարական պարտությունն ակնհայտ է աշխարհում բոլորի համար. Զելենսկի

Ռուսաստանի ռազմավարական պարտությունը Ուկրաինայի դեմ սանձազերծած պատերազմում ակնհայտ է ողջ աշխարհի համար, բայց Ռուսաստանի կառավարությունը վախենում է դա ընդունել. հինգշաբթի՝ մայիսի 12-ի երեկոյան,  հայտարարել է նախագահ Վլադիմիր Զելենսկին Ուկրաինայում պատերազմի 78-րդ օրվան հաջորդած իր տեսաուղերձում։ 

«Պարզապես Ռուսաստանը դեռ համարձակություն չունի դա ընդունելու։ Նրանք վախկոտ են։ Իսկ հրթիռային, օդային և հրետանային հարվածների հետևում նրանք փորձում են թաքցնել ճշմարտությունը»,- ասել է նա։

«Բոլոր հիվանդանոցները, որոնք օկուպանտները ավերեցին, բոլոր դպրոցները, բոլոր համալսարանները, որոնք նրանք ռմբակոծեցին, բոլոր տները, կամուրջները, ձեռնարկությունները, մենք կվերականգնենք ամեն ինչ»,- հավելել է Զելենսկին ևուկրաինացիներին կոչ արել «պայքարել այնքան ժամանակ, քանի դեռ չենք հասել այս պատերազմում մեր նպատակներին՝ պաշտպանել մեր հողը, մեր ժողովրդին և հուսալիորեն ապահովել մեր անվտանգությունը»։