Ռուսաստանը հարձակման է անցել Խարկովի մարզում. Ուկրաինայի ԳՇ

Ռուսաստանը Բելգորոդի շրջանի տարածքից 76-րդ օդային հարձակման դիվիզիայի երկու գումարտակային մարտավարական խումբ է ուղարկել  դեպի ուկրաինական Իզյում քաղաքը։ Այս մասին ապրիլի 27-ին Facebook-ում հայտնել է Ուկրաինայի զինված ուժերի գլխավոր շտաբը։

Ըստ հաղորդագրության՝ ռուսական 1-ին տանկային բանակի, Արևմտյան ռազմական օկրուգի 20-րդ, 35-րդ համազորային բանակի ու Արևելյան ռազմական օկրուգի 68-րդ բանակային կորպուսի և օդադեսանտային զորքերի ստորաբաժանումները հարձակվողական գործողություններ են անցկացնում Բարվենկովոյի ուղղությամբ:

«Հակառակորդը գրավել է Բոլշայա Կամիշևախա բնակավայրի հյուսիսարևելյան ծայրամասերը, ինչպես նաև վերահսկողության տակ է վերցրել Զավոդի բնակավայրը»,- ասվում է հաղորդագրության մեջ։

Բելգորոդի շրջանի բնակավայրերի տարածքներում ՌԴ-ն տեղակայել է «Իսկանդեր-Մ»-ի երկու հրթիռային դիվիզիոն: