ՌԴ ՊՆ-ն հայտարարել է՝ Խարկովում ուկրաինացի զինվորականների կողմից խաղաղ բնակիչների արգելափակման մասին

Ուկրաինացի զինվորականները շարունակում են ծանր տեխնիկա տեղակայել Խարկովի բնակելի թաղամասերում, բնակիչներից վերցնում են ունեցվածքը եւ նրանց օգտագործում որպես կենդանի վահան: Այս մասին հայտարարել է Ռուսաստանի Դաշնության պաշտպանության վարչության ազգային կենտրոնի պետ, գեներալ-գնդապետ Միխայիլ Միզինցեւը։

Նրա խոսքով՝ ուկրաինացի զինվորականները շարունակում են կիրառել բնակելի թաղամասերում ծանր ռազմական տեխնիկայի տեղակայման փորձված մարտավարությունը:

«Գրոհայիններն առաջնորդվում են Կիեւից ուղղակի հրամանով՝ օգտագործել իրենց անհրաժեշտ ցանկացած գույք եւ քաղաքացիական բնակչության տեխնիկա, մտնել բնակարաններ եւ դրանցում կահավորել կրակակետերը, իսկ տերերի նվազագույն դժգոհության դեպքում՝ տեղում գնդակահարել նրանց», — հայտարարել է Միզինցեւը ճեպազրույցի ժամանակ:

Նա նաեւ հայտնել է, որ քաղաքի բնակիչներն արգելափակված են նեոնացիստների կողմից, գրոհայինների մոտ պատանդ են գտնվում որպես կենդանի վահան եւ չեն կարող դուրս գալ մարդասիրական միջանցքներով: