ԱՄՆ-ում հայկական և հունական լոբբին խանգարում են մեզ արդիականացված F-16 գնել. Թուրքիայի պաշտպանության նախարար

ԱՄՆ Կոնգրեսի հայկական և հունական լոբբին կանխում է արդիականացված F-16 Block 70 կործանիչների վաճառքը Թուրքիային և թուրքական սպառազինության մեջ գտնվող F-16-ների արդիականացումը։ Այս մասին CNNturk-ի եթերում հայտարարել է Թուրքիայի պաշտպանության նախարար Հուլուսի Աքարը։

«Մենք այս հարցում կապի մեջ ենք ամերիկյան ռազմական վերնախավի հետ, և կան դրական մոտեցումներ, բայց հարցը կորոշվի Կոնգրեսում»,- ասել է նա։

Անկարան վճարել է F-35 նորագույն կործանիչների գնման համար, սակայն ռուսական Ս-400-ներ գնելուց հետո ԱՄՆ-ը պատժամիջոցներ է սահմանել և արգելափակել կործանիչների մատակարարումը Թուրքիային։ Վճարված գումարով Թուրքիան ցանկանում է գնել առնվազն նոր F-16 ինքնաթիռներ։