ԵԽԽՎ-ում թուրքերը փորձելու են առաջ մղել իրենց լոբբին

ԵԽԽՎ հունվարյան նստաշրջանը մեկնարկելու է հունվարի 24-ին եւ տեւելու է չորս օր: Այս նստաշրջանի օրակարգում Հայաստանին առնչվող կոնկրետ որեւէ հարց չի քննարկվելու, սակայն մեր պատվիրակությունը շարունակելու ակտիվ աշխատել:

Այս մասին այսօր լրագրողների հետ հանդիպման ժամանակ ասաց ԵԽԽՎ-ում Հայաստանի պատվիրակության անդամ Նաիրա Զոհրաբյանը:

Հունվարյան նստաշրջանում Ստրասբուրգում ելույթ է ունենալու Թուրքիայի նախագահ Ա.Գյուլը: Թե´ Դավութօղլուի, թե´ Գյուլի ելույթները նախատեսում են որոշ հարցերի ընթացակարգ:

«Դավութօղլի-Չավուշօղլի տանդեմը բոլորիս համար էլ հասկանալի է, որ փորձելու է իրենց համար այս, ինչպես իրենք են ձեւակերպել` բարենպաստ ժամանակաշրջանում առաջ մղել թուրք-ադրբեջանական լոբբիի շահերի տիրույթում գտնվող խնդիրները»,- ասաց Ն. Զոհրաբյանը:

Խոսքը վերաբերում է ԵԽ-ում Ղարաբաղյան հարցի վերաբերյալ ենթահանձնաժողովի ստեղծմանը: Ն.Զոհրաբյանը նշեց, որ եթե այնուամենայնիվ, թուրքերին հաջողվի ստեղծել այդ հանձնաժողովը, ապա հայկական պատվիրակությունը պետք է բոյկոտի: