ԱՄՆ հայկական եւ հունական համայնքները` ընդդեմ Թուրքիայի

ՀՅԴ Ամերիկայի Հայ Դատի հանձնախումբը եւ Ամերիկայի Հունական ինստիտուտը նամակ են հղել ԱՄՆ առեւտրի պատասխանատուին` պահանջելով, որ ԱՄՆ-Թուրքիա ցանկացած նոր պայմանագրի դեպքում Վաշինգտոնը  Անկարայից պահանջի դադարեցնել հյուսիսային Կիպրոսի զավթումը եւ Հայաստանի անօրինական շրջափակումը:

«Մեր համայնքների կողմից կոչ ենք անում Օբամայի վարչակազմին` Թուրքիայի հետ նոր առեւտրային պայմանագիր կնքելու դեպքում պահանջել Թուրքիայից, որպես նախապայման, ազատել ապօրինաբար օկուպացված Կիպրոսը եւ  վերացնել Հայաստանի շրջափակումը: Մենք բարձրացնում ենք այս հարցը, քանի որ մարտի 20-ին Սպիտակ տունը հայտարարեց, որ պատրաստ է ազատ առեւտրային համագործակցության Եվրամիության երկրների հետ, եւ Թուրքիայի կառավարությունն անմիջապես պատրաստակամ լինելու նամակ է հղել»,- ասվում է  նամակում, որի տակ ստորագրել է ԱՄՆ Հայ Դատի գրասենյակի գործադիր տնօրեն Արամ Համբարյանը եւ Ամերիկյան հունական ինստիտուտի նախագահ Նիկ Լարիգակիսը: