Լեհաստանի Սեյմը Պուտինին ռազմական հանցագործ է հայտարարել

Լեհաստանի Սեյմը Վլադիմիր Պուտինին հայտարարել է ռազմական հանցագործ։ Այս մասին ասվում է մարտի 23-ին Լեհաստանի խորհրդարանի ընդունած համապատասխան բանաձևում։

Այն դատապարտում է ռազմական հանցագործությունները, մարդկության դեմ հանցագործությունները, ցեղասպանական գործողությունները և այլն, որոնք իրականացվել են ռուսաստանցի զինվորականների կողմից, Ռուսաստանի նախագահի ղեկավարությամբ, Ուկրաինայի տարածքում։

Սեյմը կոչ է անում աշխարհի մյուս երկրներին՝ աջակցել Արդարադատության միջազգային դատարանում և Միջազգային քրեական դատարանում դատավարություններ անցկացնելու նախաձեռնությանը, ինչպես նաև Պուտինին, Ռուսաստանի Դաշնության Անվտանգության խորհրդի անդամներին և Ռուսաստանի զինված ուժերի հրամանատարներին պատասխանատվության ենթարկելուն: