Իսրայելի պաշտպանության բանակը հարձակվել է Դամասկոսի հարավում գտնվող թիրախների վրա. SANA

Սիրիական SANA գործակալությունը հայտնել է, որ փետրվարի 16-ին՝ ժամը 23:35-ի սահմաններում, իսրայելական բանակը Գոլանի բարձունքներից «երկիր-երկիր» հրթիռներով հարվածել է Դամասկոսի հարավ-արևմուտքում գտնվող Զաքիա շրջանի թիրախներին:

Սիրիական բանակի հրամանատարությունը ընդունել է, որ վնաս է հասցվել իսրայելական հրթիռային հարձակման հետևանքով։ Զոհերի և վիրավորների մասին տեղեկություններ չկան։

Սիրիական ընդդիմադիր լրատվամիջոցները հաղորդում են, որ հարվածը հասցվել է թիրախի, որը գտնվում էր բնակավայրերից դուրս՝ Զաքիայի և Խան աշ Շեյխի միջև (Դամասկոսից մոտ 15 կմ հարավ-արևմուտք, Իսրայելի սահմանից մոտ 20 կմ հեռու):

Իսրայելի պաշտպանության բանակը չի մեկնաբանում այս տեղեկությունը։