Ռուսաստանը հայտարարել է Ղրիմում զորավարժությունների ավարտի և զորքերի դուրսբերման մասին

Ռուսաստանի Հարավային ռազմական օկրուգի զորքերը վարժանքներ անցկացնելուց հետո լքել են Ղրիմը։ Հարավային ռազմական օկրուգի ստորաբաժանումների զինտեխնիկայով էշելոնն անցել է Ղրիմի կամրջով դեպի մշտական տեղակայման կետեր. այսօր հաղորդել է ՌԴ ՊՆ մամուլի ծառայությունը։

Տարածված տեսանյութում երևում է, որ գնացքի վրա են բեռնվել տարատեսակ թրթուրավոր զրահամեքենաներ` տանկեր, ՀՄՄ-ներ, ինքնագնաց հրետանային կայաններ և այլն:

Մեկ օր առաջ ՌԴ պաշտպանության նախարարությունը հայտարարել էր, որ Ղրիմում զորավարժություններին մասնակցած զինվորականներն ու զրահատեխնիկան վերադառնում են իրենց մշտական տեղակայման վայրեր` Դաղստան և Հյուսիսային Օսիա։