Նեթանյահուն և նրա ընտանիքը մահվան սպառնալիքներ են ստանում

Իսրայելի նախկին վարչապետը պնդում է, որ սպանության սպառնալիքներ է ստացել իր և ընտանիքի հասցեին։

Երկուշաբթի,  իսրայելական 7-րդ ալիքի հաղորդման համաձայն, ընդդիմության ղեկավար և «Լիկուդ» կուսակցության նախագահ Բինյամին Նեթանյահուն պաշտոնական բողոք է ներկայացրել  ոստիկանություն իր և ընտանիքի հասցեին մահվան սպառնալիքներ ստանալուց հետո:

Հրեական հեռուստաալիքը հայտնել է նաև, որ Նեթանյահուի ընտանիքին ուղղված սպառնալից հաղորդագրությունների տեքստում ասվում է. «Յաիրի և Սառայի (Նեթանյահուի որդու և կնոջ) մահը մոտ է»:

Սա առաջին սպառնալից հաղորդագրությունն է Նեթանյահուի ընտանիքի անդամների անձնական պաշտպանության չեղարկումից հետո, իսկ ավելի վաղ նախարարական գործերի ՇԱԲԱԿ կոմիտեն մերժել էր Նեթանյահուի՝ իր ընտանիքի անձնական պաշտպանությունը երկարաձգելու խնդրանքը: ՇԱԲԱԿ-ի նախկին նախագահ Յորամ Քոհենը Նեթանյահուի հարցմանն ի պատասխան ասել էր, որ իրական համոզիչ պատճառ չկա նման պաշտպանություն ապահովելու համար, որն արժե տարեկան մոտ 1 միլիոն դոլար: