Հուլուսի Աքարն ընդունել է Հայաստանի հետ հարաբերությունների կարգավորման հարցով Թուրքիայի հատուկ ներկայացուցչին

Թուրքիայի ազգային պաշտպանության նախարար Հուլուսի Աքարը երկուշաբթի ընդունել է Հայաստանի հետ հարաբերությունների կարգավորման հարցերով Թուրքիայի հատուկ ներկայացուցիչ Սերդար Քըլըչին։ Այս մասին Twitter-ում հայտնել է Թուրքիայի ՊՆ մամուլի ծառայությունը։

Հանդիպումը կայացել է հունվարի 14-ին Մոսկվայում նախատեսված՝ Թուրքիայի և Հայաստանի հատուկ ներկայացուցիչների բանակցությունների նախօրեին։

Վաշինգտոնում Թուրքիայի նախկին դեսպան Սերդար Քըլըչը դեկտեմբերի 15-ին նշանակվել է Հայաստանի հետ հարաբերությունների կարգավորման հարցերով հատուկ ներկայացուցիչ։

Անկարայի և Երևանի միջև երկխոսության գործընթացում Հայաստանի հատուկ ներկայացուցիչը ՀՀ Ազգային ժողովի փոխնախագահ Ռուբեն Ռուբինյանն է։