Իրանին զայրացրել է, որ Բաքուն Պարսից ծոցը «Ծոց» է անվանել

Իրանական Khabaronline պորտալը գրում է, որ Թեհրանում Ադրբեջանի դեսպանատան Telegram ալիքը, ինչպես նաև ադրբեջանական պետական «Ազերթաջ» լրատվական գործակալությունը Պարսից ծոցի փոխարեն կիրառել է «Ծոց» եզրույթը։

Պարսից ծոցի անունը երկար ժամանակ վեճերի առարկա է: Պարսից ծոցի արաբական միապետությունները պնդում են «Արաբական ծոց» անվանումը՝ չնայած հանգամանքին, որ գրեթե բոլոր պատմական աղբյուրներում այն հայտնի է որպես Պարսից։

Ներկայումս Պարսից ծոցի երկների վերաբերյալ ձևակերպումներում հաճախակի է կիրառվում «Ծոցի երկրներ» եզրույթը, իսկ Արևմուտքում նախընտրում են «Արաբական ծոց» անվանումը:

Ադրբեջանի դեսպանության և կայքի նման ձևակերպումները համահունչ են իրանա-ադրբեջանական հարաբերությունների առկա լարված վիճակին: