Պարսից ծոց է մտել բրիտանական երկրորդ ռազմանավը

Պարսից ծոց է հասել Բրիտանիայի թագավորական երկրորդ ռազմանավը, հայտնում է BBC-ն:

Duncan ռազմանավը միացել է Montrose ռազմանավին Հորմուզի նեղուցով անցնող բրիտանական դրոշներով նավերն ուղեկցելու համար: Մեծ Բրիտանիայի պաշտպանության նախարար Բեն Ուոլեսը հայտարարել է, որ երկիրը շարունակում է պնդել, որպեսզի Իրանի հետ ճգնաժամը լուծվի դիվանագիտական ճանապարհով:

«Հորմուզի նեղուցում նավագնացության ազատությունը շատ կարեւոր է ոչ միայն Բրիտանիայի համար, այլ նաեւ մեր միջազգային գործընկերների եւ դաշնակիցների համար: Առեւտրական նավերը պետք է օրինական ճանապարհորդեն եւ բեռն անվտանգ հասցնեն աշխարհի ցանկացած վայր»,-ընդգծել է պաշտոնյան: