Ախալքալաքի տիկնիկային թատրոնն արժանացել է մրցանակների

Ախալքալաքի «Պույ-Պույ» տիկնիկային թատրոնը դեկտեմբերի մասնակցել է «მზიანი საქართველო» («Արևոտ Վրաստան») փառատոնին, որն անցկացվել է Բակուրիանիում։ Jnews-ը գրում է, որ Բակուրիանիում «Արևոտ Վրաստան» փառատոնն անցկացվել է երրորդ անգամ: Վրաստանի շրջաններից մասնակցել են ութ թատերախմբեր։

Բակուրիանի կինոթատրոնում Ախալքալաքի տիկնիկային թատրոնը ելույթ է ունեցել երկրորդ օրը։ «Պույ-Պույ»-ը հայերենով ներկայացրել է վրացական «Աղվեսի դատավճիռը» հեքիաթը։

Սամվել Խոդիկյանի ղեկավարությամբ «Պույ-Պույ» տիկնիկային թատրոնը պարգևատրվել է ռեժիսուրայի, ինչպես նաև թատրոնի կենսունակության համար։ Սամվել Խոդիկյանը ստացել է լավագույն տիկնիկագործի կոչումը: