Կիևի մերձակայքում թուրքական ԱԹՍ-ների գործարան է կառուցվում

Կիևի մերձակայքում սկսվել է թուրքական անօդաչու թռչող սարքերի գործարանի շինարարությունը:

Ուկրաինայի նախագահի գրասենյակի ղեկավարի անկախ խորհրդական Օլեքսի Արեստովիչը հայտնել է, որ Վասիլկովոյի գործարանում կստեղծվեն ANKA տիպի ռեակտիվ անօդաչու թռչող սարքեր։

«Դրանք ի վիճակի են գործել օդային թիրախների դեմ, այլ անօդաչու թռչող սարքերի դեմ: Նույնիսկ՝ կառավարվող ինքնաթիռների դեմ: Դրանք կունենան ուկրաինական շարժիչներ և թուրքական ավիոնիկա՝ իրաններ և այլն»,- ասել է Արեստովիչը:

Նրա խոսքով՝ անօդաչուների առաջին խմբաքանակը պետք է թողարկվի 2022 թվականի վերջին։

Թուրքիան Սիրիայում ռազմական գործողությունների ժամանակ կիրառել է ANKA-ն.  մի քանի սարքեր խոցվել են, բայց, ընդհանուր առմամբ, դրանց կիրառումը հաջողված է համարվել։