Աբովյանում ՔՊ թեկնածուն քվեարկության օրը զբաղված է քարոզչությամբ

Կոտայքի մարզի Աբովյան քաղաքում իշխանական ՔՊ կուսակցության ցուցակում ընդգրկված ավագանու թեկնածուն քվեարկության օրը քարոզչություն է իրականացնում։ «Փաստինֆո»-ն հայտնում է, որ «Քաղաքացիական պայմանագիր» կուսակցության ցուցակի 24-րդ համար Անահիտ Մկրտչյանն այսօր վաղ առավոտից Աբովյանի բնակիչներին Viber-ի միջոցով նամակներ է ուղարկում՝ կոչ անելով մասնակցել քվեարկությանը և ընդգծում, որ իրենք քվեաթերթիկում 4-րդ համարն են։ Ընդ որում, Անահիտ Մկրտչյանը նշում է, որ ընտրությունների արդյունքները վերջում ԿԸՀ-ում առցանց հրապարակվելու են։

«Հետագայում համայնքային ինչ-որ հարց բարձրացնելու դեպքում հաշվի են առնելու ընտրությանը ձեր մասնակցել-չմասնակցելու հարցը»,-նշված է Անահիտ Մկրտչյանի ուղարկած նամակում։

Քվեարկության օրը քարոզչություն իրականացնելն արգելվում է, հետևաբար ՔՊ ներկայացուցիչը խախտում է ՀՀ ընտրական օրենսգրքով նախատեսված իրավական դրույթները։

Տես նաև՝  Որևէ դեպքում ձայն չտալ ՏԻՄ ընտրություններին մասնակցող ՔՊ-ին ու դրա վերարտադրմանը նպաստող ուժերին. Ի. Սաղաթելյանի կոչը:

Տես նաև՝  Բացառե՛լ հետընտրական դաշինքը ՔՊ-ի հետ. ավագանու՝ ՀՅԴ թեկնածուների և դաշինքների հայտարարությունը: