Թուրքամետ վարձկանները Սիրիայից դուրս են բերում ձիթենիներ և ցորեն

Թուրքամետ վարձկանները շարունակում են ռեսուրսների դուրսբերումը Սիրիայից. նոյեմբերի 24-ին հայտնում է սիրիական SANA լրատվական գործակալությունը։

Հասաքե նահանգի հյուսիս-արևմուտքում գտնվող Ալ Մանաջիր գյուղում «Ահրար ալ Շամ» լեգեոնի գրոհայինները գողացել են հացահատիկի հնձման մեքենաները և դրանցում պահեստավորված հացահատիկը։ Թուրք միջնորդների միջոցով Թուրքիային վաճառվող գեներատորներից էլ պղինձ են հայտնաբերել:

Նաև՝ վերջին մի քանի ժամվա ընթացքում «Սուլթան Մուրադ», «Ահրար ալ Շամ» և «Ջեյշ ալ Իսլամ» խմբավորումների զինյալները կտրել են տասնյակ ձիթենիներ Քարթակլակ և Կաստել Մեքդադ գյուղերում, վաճառել փայտանյութը: Զինյալները վաճառել են տներ Աֆրին քաղաքի Ալ Մահմուդիա և Ալ Աշրաֆիա թաղամասերում և հյուսիսային Հալեպի նահանգի Ռաջու վարչական շրջանում, որոնք պատկանել են պատերազմից փախած՝ տեղի բնակիչներին:

Կողոպուտները տեղի են ունենում թուրքական հետախուզության քողի ներքո, որը պաշտպանում և անհրաժեշտ միջոցներ է տրամադրում նրանց, ովքեր գողացված ապրանքները Սիրիայից տեղափոխում են թուրքական տարածք։