Թուրքամետ վարձկանները առևանգել են Թել Աբյադի 7 խաղաղ բնակիչների

Սիրիայի տեղական աղբյուրների համաձայն՝ թուրքական օկուպացիոն ուժերի վարձկանները արշավանքներ են իրականացրել Թել Աբյադ (Գրի Սփի) քաղաքում և նդա շրջակայքում՝ առևանգելով 7 մարդու. հայտնում է Hawar News-ը։

Աղբյուրները նշում են, որ բոլոր առևանգվածները Ալ Խանադա տոհմից են:

Աղբյուրները հայտնում են նաև, որ «Ջաբհա աշ Շամիա»-ից վարձկանները առևանգել են երեք մարդու Ալ Մաշհուր տոհմից`Թել Աբյադի արևելյան արվարձանում:

Անցյալ ամսվա 28-ին Արևելյան Թել Աբյադում Ալ Մաշհուր տոհմի և «Ջաբհա ալ Շամիա» վարձկանների միջև բախումներ էին սկսվել, որի արդյունքում սպանվել էր խանութում աշխատող մի երիտասարդ`Բաշար ալ Սաադը: Բացի նրանից՝ ևս երկու մարդ վիրավորվել էր փողոցներում անխնա կրակոցների արդյունքում:

Հիշեցնենք, որ Թել Աբյադում կար հայկական համայնք, որը սիրիական հակամարտության բռնկումից ի վեր նոսրացել է։