Լավրովն ու Շոյգուն ֆրանսիացի գործընկերների հետ քննարկել են Արցախը

Ռուսաստանի արտգործնախարար Սերգեյ Լավրովը և պաշտպանության նախարար Սերգեյ Շոյգուն ֆրանսիացի գործընկերներ Ժան-Իվ Լը Դրիանի և Ֆլորեն Պարլիի հետ քննարկել են Արցախում ստեղծված իրավիճակը։ Հանդիպումը կայացել է Փարիզում՝ Ֆրանսիայի և Ռուսաստանի Անվտանգության խորհրդի համագործակցության շրջանակներում. հայտնում է Ֆրանսիայի ԱԳՆ կայքը։

Նշվում է, որ բանակցությունների ընթացքում կողմերը քննարկել են Ֆրանսիայի և Ռուսաստանի՝ որպես ԵԱՀԿ Մինսկի խմբի համանախագահների, համատեղ ջանքերը Հայաստանի և Ադրբեջանի միջև երկարաժամկետ խաղաղության համաձայնագրի ստորագրման ուղղությամբ։

Քննարկվել են նաև Իրանի միջուկային ծրագրի թեման, Բելառուսում և Ուկրաինայում տիրող իրավիճակը, Մերձավոր Արևելքում տարածաշրջանային անվտանգությունը, աֆրիկյան մայրցամաքում Wagner ռուսական մասնավոր կազմակերպության զինյալների տեղակայման անընդունելիությունը, ինչպես նաև ռուս ընդդիմադիր Ալեքսեյ Նավալնիի հարցը։