Իսրայելը դատապարտված է կործանման. ԻՀՊԿ հրամանատար

Իրանցի բրիգադի գեներալ, Իսլամական հեղափոխության պահապանների կորպուսի հրամանատար Ամիր Ալի Հաջիզադեն սպառնացել է Իսրայելին և ծաղրել հրեական պետությանը․ հաղորդում է The Times of Israel-ը:

Հաջիզադեն Թեհրանում տեղի ունեցած հանդիսավոր արարողության ժամանակ հայտարարել է, որ «սիոնիստական ռեժիմը դատապարտված է կործանման»։

«Մեր թշնամիներն ասում են, որ մենք պետք է բանակցենք հրթիռների մասին… Իսկ մեր անօդաչու թռչող սարքերը նրանց աչքի փուշն են դարձել: Եթե նրանք պնդում են սահմանափակել մեր հրթիռների և անօդաչու սարքերի հնարավորությունները, դա ցույց է տալիս մեր ուժը, Իրանի հրթիռների և պաշտպանական կարողությունները»,- ասել է իրանցի գեներալը:

Նա նշել է, որ Իսրայելը «ի վիճակի է  ճակատամարտ սկսել, սակայն Իսլամական Հանրապետությունն է, որ կավարտի այն՝ սիոնիստական ռեժիմի ոչնչացմամբ»։

«Եթե սիոնիստական ռեժիմը պատրվակ տա Իսլամական Հանրապետությանը, դա միայն կարագացնի նրա վերացումը»,- ընդգծել է Ամիր Ալի Հաջիզադեն։

Իրանցի գեներալի խոսքով՝ Իսրայելից բխող բոլոր սպառնալիքները միայն «ներքին սպառման համար են»։