Իսրայելը հայտարարել է, որ թույլ չի տա Իրանին՝ դառնալ միջուկային տերություն

Իսրայելը թույլ չի տա Թեհրանին՝ դառնալ միջուկային տերություն, քանի որ երկրի միջուկային ծրագիրը կնպաստի սպառազինությունների մրցավազքի նոր փուլին: Այս մասին հայտարարել է Իսրայելի արտգործնախարար Յաիր Լապիդը:

Նրա խոսքով՝ իրանական միջուկային ծրագիրն արագորեն զարգանում է, և պատշաճ վերահսկողություն չի իրականացվում, հետևաբար՝ պահանջվում է ղեկավարների խորհրդի (ԱԷՄԳ) որոշում:

Լապիդը նշել է, որ համաշխարհային հանրության համար խնդիր կլինի, եթե միջուկային զենքը հայտնվի սխալ ձեռքերում, եթե աշխարհը չկարողանա դուրս գալ այս իրավիճակից, Իսրայելը իրեն իրավունք է վերապահում գործելու:

Վերջերս, ըստ Bloomberg-ի, Իրանը քառապատկել էր բարձր հարստացված ուրանի պաշարները: Այդ մասին ասվում է Ատոմային էներգիայի միջազգային գործակալության եռամսյակային զեկույցում: