Թունիսի նախագահը պարետային ժամ է մտցրել՝ հեղաշրջման փորձի ֆոնին

Թունիսում 30-օրյա պարետային ժամ է մտցվում. հայտատարել է երկրի նախագահ Քաիս Սաիդը:

Երկրի ղեկավարի մամուլի ծառայության հաղորդմամբ՝ սահմանափակող միջոցը կգործի հուլիսի 26-ից օգոստոսի 27-ը: Այս ժամանակահատվածում քաղաքացիներին արգելվում է քաղաքում տեղաշարժվել 19:00-ից 06:00-ն ընկած ժամանակահատվածում: Նաև՝ նշված ժամին արգելվում է տրանսպորտից օգտվել:

Բացառություն են կազմում բժշկական,  արտակարգ իրավիճակները և գիշերային հերթափոխը:

Երկրի ողջ տարածքում պարետային ժամի ընթացքում երեք հոգուց ավելի խմբեր չեն կարող հավաքվել հասարակական վայրերում:

Թունիսի նախագահ Քաիս Սաիդը երկուշաբթի երեկոյան հանդես էր եկել տեսաուղերձով, որում հայտարարել էր խորհրդարանի աշխատանքը սառեցնելու և պատգամավորների անձեռնմխելիությունը վերացնելու որոշման մասին: Երկրի ղեկավարը պաշտոնանկ է արել նաև Թունիսի վարչապետ Հիշամ ալ Մեշիշին:

«Ալ Նահդա» շարժման առաջնորդը և Թունիսի խորհրդարանի նախագահ Ռաշիդ ալ Գանուշին նախագահի գործողությունները որակել են որպես հեղաշրջում և կոչ արել բնակիչներին՝ «խաղաղ պայքար մղել ժողովրդավարության վերականգնման համար»: