Թուրքիայի խորհրդարանի նախագահը և իշխանական պատվիրակությունը ժամանել են Ադրբեջան

Թուրքիայի Ազգային մեծ ժողովի (խորհրդարանի) նախագահ Մուստաֆա Շենթոփը երկուշաբթի՝ հուլիսի 26-ին, այցելել է Ադրբեջան՝ մասնակցելու Ադրբեջանի, Պակիստանի և Թուրքիայի խորհրդարանների խոսնակների առաջին եռակողմ հանդիպմանը:

Հուլիսի 27-ին Ադրբեջանի մայրաքաղաքում նախատեսված է երեք երկրների օրենսդիր մարմինների ղեկավարների հանդիպումը: Արդյունքներից հետո նախատեսվում է ստորագրել Բաքվի հռչակագիր:

Բացի դրանից՝ խորհրդարանի խոսնակը հանդիպում կանցկացնի թուրքական գործարար շրջանակների ու հասարակական կազմակերպությունների ներկայացուցիչների հետ:

Շենթոփը Թուրքիա կվերադառնա հուլիսի 29-ին՝ Արցախից բռնազավթած Շուշի և Վարանդա քաղաքներ այցելելուց հետո: