ԱՄՆ Կոնգրեսի պատվիրակությունը ժամանել է Կուբա

Կուբայի պետական խորհրդի ղեկավար Ռաուլ Կաստրոն ընդունել է եռօրյա այցով Կուբա ժամանած ամերիկացի կոնգրեսականներին: Հանդիպմանը մասնակցել է նաեւ Կուբայի արտգործնախարարը: Մանրամասները հայտնի չեն. տեղեկացնում է Росбалт-ը:

Ավելի ուշ ամերիկյան պատվիրակությանն ընդունել է Կուբայի խորհրդարանի նախագահը:

Կոնգրեսականները հույս ունեն նաեւ հանդիպել ամերիկացի Ալան Գրոսի հետ, որը 2009-ին լրտեսության մեղադրանքով բանտարկվել է կուբայական բանտում: 2010-ին հայտարարվեց, որ Գրոսին ցանկանում են փոխանակել կուբացի լրտես Ռենե Գոնսալեսի հետ, սակայն փոխանակումն այդպես էլ տեղի չունեցավ: 2011 թվականի դեկտեմբերին Կուբայում համաներում հայտարարվեց, սակայն իշխանությունները հատուկ նշեցին, որ դա Գրոսի վրա չի տարածվում: