Ռոհանին հայտարարել է, որ Իրանը ցանկացած պահի կարող է ուրանի հարստացումը հասցնել ավելի քան 63%-ի

Իրանը ցանկացած պահի ունակ է ուրանի հարստացումը հասցնել 63%-ից բարձր մակարդակի: Այս մասին երկուշաբթի հայտարարել է Իրանի նախագահ Հասան Ռոհանին:

«Բոլորը տեսան, որ Իրանը սկսել է հարստացնել մինչև 63%: Եթե անհրաժեշտություն առաջանա, մենք ցանկացած պահի կարող ենք բարձրացնել հարստացման աստիճանը», - մեջբերում է նախագահի մամուլի ծառայությունը:

Միևնույն ժամանակ, Ռոհանին հավելել է, որ «ամեն դեպքում Իրանը չի ձգտում միջուկային զենք ստեղծել»: «Հարստացումն իրականացվում է բժշկության, էներգետիկ արդյունաբերության և երկրի այլ ոլորտների կարիքների համար»,- ասել է նա:

Մայիսի 11-ին Ատոմային էներգիայի միջազգային գործակալությունը հաղորդել էր, որ Իրանը սկսել է ուրանի հարստացումը Նաթանզի կայանում մինչև 63%: Իրանի ղեկավարությունը նախկինում հայտարարել էր, որ ուրանի 60% հարստացման որոշումը կայացվել է ի պատասխան ապրիլի 11-ին Նաթանզում կատարված իսրայելական դիվերսիաների:

Ռոհանին նշել է, որ հարստացումը կիրականացվի խաղաղ նպատակներով և ԱԷՄԳ-ի վերահսկողության ներքո: