Համաշխարհային փոստային միությունը որոշել է չգրանցել Ադրբեջանի հայատյաց նամականիշերը

Համաշխարհային փոստային միությունը որոշել է Ադրբեջանում թողարկված «Ադրբեջան-2020» փոստային նամականիշերը չգրանցել իր տվյալների շտեմարանում, քանի որ դրանք հակասում են Կոնվենցիայի և միության վարվելակերպի օրենսգրքի համապատասխան դրույթներին: Միությունը դիմել է Ադրբեջանին` խնդրելով վերանայել այդ նամականիշերը:

2020 թ.-ին Արցախի դեմ սանձազերծված ռազմական ագրեսիայից հետո Ադրբեջանի տրանսպորտի, կապի և բարձր տեխնոլոգիաների նախարարությունը թողարկել է հայատյաց նամականիշեր: ՀՀ կողմից նամակներ էին հղվել միությանը ադրբեջանական կողմի այլատյացության վերաբերյալ: Միությունը հայկական կողմին տեղեկացրել է վերոհիշյալ որոշման մասին:

Հիշեցնենք, որ պատերազմից հետո Ադրբեջանը թողարկեց նամականիշ, որի վրա պատկերված էր սանիտար, «որն ախտահանում էր» Արցախը։ Թեև ադրբեջանական կողմը հայտարարել էր, որ դրա իմաստը կորոնավիրուսի դեմ պայքարն է, սակայն պարզից էլ պարզ է դրա այլատյաց էությունը։