ԱՄՆ-ը նախատեսել է կիբերհարձակումներ ռուսական համակարգերի վրա. NYT

ԱՄՆ-ը նախատեսում է երեք շաբաթվա ընթացքում կիբերհարձակումներ իրականացնել Ռուսաստանի իշխանությունների հետ կապված համակարգերի վրա: Այս մասին հայտնում է The New York Times- ը՝ վկայակոչելով իր աղբյուրները:

Պարբերականի զրուցակիցների կարծիքով՝ առաջիկա երեք շաբաթվա ընթացքում ԱՄՆ-ը «թաքնված հակահարվածներ» կիրականացնի այն համակարգերի վրա, որ հայտնի կդառնան Ռուսաստանի ղեկավար Վլադիմիր Պուտինին, հետախուզությանը և ռազմական գերատեսչությանը, բայց ոչ՝ արտաքին աշխարհին:

Նշվում է, որ ԱՄՆ-ը նախատեսում է տնտեսական պատժամիջոցներ կիրառել նաև Մոսկվայի դեմ`ի պատասխան Մոսկվայի հաքերային գործողությունների:

Ավելի վաղ Սպիտակ տան խոսնակ Ջեն Փսակին հայտարարել էր, որ Ռուսաստանի դեմ ԱՄՆ-ի նոր պատժամիջոցները նախատեսվում են «շաբաթվա ընթացքում»: