Պակիստանը ցանկանում է մասնակցել Արցախից զավթված տարածքների վերականգնմանը

Պակիստանյան մեծ թվով ընկերություններ կցանկանային մասնակցել «ազատագրված տարածքների վերականգնմանը»: Այս մասին լրագրողներին ասել է Ադրբեջանում Պակիստանի դեսպան Բիլալ Հեյը:

Դիվանագետի խոսքով՝ Պակիստան կատարած այցի ընթացքում Ադրբեջանի արտգործնախարարը պակիստանյան ընկերություններին հրավիրել է Ադրբեջան:

«Այս կապակցությամբ մենք բանակցություններ կվարենք Ադրբեջանի կառավարության հետ: Հուսով ենք, որ առաջիկա ամիսներին և տարիներին պակիստանյան ընկերությունների ներկայացուցիչները կգան Ադրբեջան՝ մասնակցելու այս գործընթացին»,- ասել է պակիստանցի դիվանագետը:

Հիշեցնենք, որ Պակիստանը Արցախյան առաջին պատերազմից ի վեր իր անմիջական մասնակցությունն է ունեցել ռազմական գործողություններին։ Հնդկաստանից 1947 թ. անջատված այդ երկիրը մինչ օրս չի ճանաչում ՀՀ անկախությունն ու գոյությունը։