Թուրքական իշխանամետ պարբերականը Ղրիմն անվանել է «հնագույն թյուրքական երկիր՝ զավթված անարդարացիորեն»

Թուրքական իշխանամետ Türkiye հրատարակությունը Ղրիմն անվանել է «հնագույն թյուրքական երկիր, որը Ռուսաստանն անարդարացիորեն զավթել է»: Այս ամսագրից հետո նույն հայտարարությունը հրապարակվել է մի քանի այլ լրատվամիջոցներում:

Թուրք փորձագետների կարծիքով՝ Ռուսաստանը «բռնակցել է» թերակղզին, որն իրականում «հին թյուրքական երկիր է»: Ավելին՝ դա արվել է «ուժի գործադրմամբ»:

Նշվում է նաև, որ տարածաշրջանը «շփման ամենակարևոր կետն է» Թուրքիայի և Ուկրաինայի միջև հարաբերություններում: Ինչպես հայտնի է, թերակղզու «օկուպացիայի» վերաբերյալ ՄԱԿ-ի Գլխավոր ասամբլեայի նիստում քվեարկության ժամանակ Անկարան սատարել է Կիևին: