Հայաստանի գեղասահորդները զրկվեցին Եվրոպայի առաջնությանը մասնակցելու շանսից

Չմշկասահքի միջազգային ֆեդերացիան հետաձգել է գեղասահքի Եվրոպայի առաջիկա առաջնությունը, որը պետք է տեղի ունենար 2021թ հունվարի 25-31-ը, Զագրեբում:

Ինչպես տեղեկացնում է ֆեդերացիայի պաշտոնական կայքը, Խորվաթիայի մայրաքաղաքում գտնվող սահադաշտը, որտեղ պետք է կայանար առաջնությունը, վերածվել է կորոնավիրուսի բուժման հիվանդանոցի: Ինչ վերաբերում է գեղասահքի աշխարհի առաջնությանը, ապա այն նախատեսված է 2021թ մարտի 22-28-ը, Շվեդիայում:

Ինչպես տեղեկացնում է Հայաստանի գեղասահքի ֆեդերացիայի ֆեյսբուքյան էջը, մեր գեղասահորդներն արդեն սկսել են նախապատրաստվել նոր մրցաշրջանին: Թինա Կարապետյան - Սիմոն Պրոուքս Սենեկալ պարային զույգն այժմ մարզվում է Մոնրեալում, իսկ

Էդվարդ Տեր-Գազարյան - Ալիսա Կորնևա նորաստեղծ զույգը՝ Ստավրոպոլում։ Անաստասիա Գալուստյանը մարզվում է Մոսկվայում: