Իրանը հայտարարել է կորոնավիրուսի դեմ սեփական պատվաստանյութի փորձարկումներ սկսելու մասին

Իրանը հայտարարել է սեփական կորոնավիրուսային պատվաստանյութի փորձարկումների մեկնարկի մասին: Այս մասին չորեքշաբթի հաղորդել է FARS գործակալությունը՝ վկայակոչելով Կիյանուշ Ջահանփուրին՝ երկրի սննդի և դեղերի վարչության ներկայացուցչին:

«Սկսվել են ներսում մշակված կորոնավիրուսային պատվաստանյութի՝ մարդկանց վրա փորձարկումները,- մեջբերում է գործակալությունը:- Այն կամավորների վրա կփորձարկվի մեկ ամսվա ընթացքում»:

Ըստ Ջահանփուրի՝ պատվաստանյութը երկու դեղաչափով կտրամադրվի 18-ից 50 տարեկան կամավորների, որոնք ունեն կորոնավիրուսի թեստի բացասական արդյունքներ: «Ներարկումներից հետո նրանց մոտ ստուգվելու են հակամարմինների և իմունիտետի մակարդակները»,- ասել է նա:

Նախորդ շաբաթ Իրանի առողջապահության նախարար Սայիդ Նամակին հույս էր հայտնել, որ իրանական կորոնավիրուսային պատվաստանյութերը պատրաստ կլինեն արտադրության մինչև հաջորդ գարուն: