Ռուսաստանը լրացուցիչ գումար է հատկացնելու Ղարաբաղում աշխատող ԿԽՄԿ-ին

Ռուսաստանի ղեկավարությունը որոշում է կայացրել լրացուցիչ մեկանգամյա ներդրում հատկացնել Կարմիր խաչի միջազգային կոմիտեի (ԿԽՄԿ) բյուջեին, որը գործում է Լեռնային Ղարաբաղում. հայտարարել է Ռուսաստանի արտգործնախարար Սերգեյ Լավրովը:

«Մենք վճռականորեն աջակցում ենք միջազգային կազմակերպությունների գործունեությանը, որոնք պատրաստ են ներդնել իրենց ռեսուրսները, իրենց փորձը և իրենց ներուժը խաղաղ կյանքի վերականգնման գործում: Մասնավորապես` Ռուսաստանի ղեկավարությունը որոշել է լրացուցիչ մեկանգամյա կամավոր ներդրում հատկացնել Կարմիր խաչի միջազգային կոմիտեի բյուջեին», - ասել է Լավրովը հայ գործընկեր Արա Այվազյանի հետ հանդիպման ժամանակ Մոսկվայում: