Անգլիայում թռչնագրիպի տարածման պատճառով 40.000 հնդկահավ է ոչնչացվել

Անգլիայի Նորֆոլկ կոմսության թռչնաֆերմայում բարձր պաթոգենությամբ H5N8 թռչնագրիպի բռնկման պատճառով ավելի քան 30 հազար հնդկահավ է ոչնչացվել։ Այս մասին հայտնում է The Sun-ը՝ նշելով, որ նույն պատճառով անցյալ շաբաթ ևս 10 հազար թռչուն է ոչնչացվել Հյուսիսային Յորքշիրի ֆերմայում։ 

Հնդկահավերի ոչնչացումը կարող է առաջացնել դեֆիցիտ։ Մեծ Բրիտանիայում այդ թռչունը համարվում է սուրբծննդյան սեղանի գլխավոր զարդը։

Նշենք՝ երկրում պարբերաբար թռչնագրիպի բռնկումներ են արձանագրվում։ Նոյեմբերի 11-ին Անգլիայի հարավ-արևմուտքում թռչնագրիպ էր հայտնաբերվել վայրի սագերի և կարապների մոտ։ Նոյեմբերի սկզբից Անգլիայում գրանցվել է թռչնագրիպի 7 բռնկում։