Մակրոնը հայտարարել է, որ իսլամիստները չեն կարողանալու հանգիստ քնել Ֆրանսիայում

Ֆրանսիայի նախագահ Էմանուել Մակրոնը Պաշտպանության խորհրդի նիստում հայտարարել է, որ «իսլամիստները լավ չեն քնելու Ֆրանսիայում»․ հայտնում է BFMTV- ն՝ վկայակոչելով իր աղբյուրները:

Պաշտպանության խորհուրդը՝ նախագահի և կառավարության անդամների մասնակցությամբ, հավաքվել է կիրակի երեկոյան՝ կապված պատմության ուսուցչի սպանության հետ, որը տեղի է ունեցավ ուրբաթ օրը և ցնցել ամբողջ երկիրը:

Հեռուստաալիքը նշում է նաև, որ երկուշաբթի ստուգումներ կսկսվեն սոցիալական ցանցերում 80 հաղորդագրությունների հեղինակների նկատմամբ, որոնք աջակցություն են հայտնել ուսուցչի վրա հարձակվողին:

Հիշեցնենք, որ ուրբաթ երեկոյան չեչեն չարագործը գլխատել է պատմության ուսուցիչ Սամուել Պաթին, որը նախկինում ազատ խոսքի վերաբերյալ դասընթացի ընթացքում ցույց էր տվել Մոհամմադ մարգարեի ծաղրանկարները: Սպանությունը տեղի է ունեցել Փարիզի արվարձան Քոնֆլանս Սենտ Օնորին քաղաքի դպրոցներից մեկի մոտ:

Մակրոնը կատարվածը որակել է որպես ահաբեկչություն: