Վրաստանն ԱՄՆ-ի հավատարիմ դաշնակիցն ու ռազմավարական գործընկեր է սևծովյան տարածաշրջանում. Գախարիա

Վրաստանն ԱՄՆ-ի հավատարիմ դաշնակիցն ու ռազմավարական գործընկերն է սևծովյան տարածաշրջանում. իր թվիթերյան պաշտոնական էջում գրառում է կատարել Վրաստանի վարչապետ Գիորգի Գախարիան  ԱՄՆ նախագահի ազգային անվտանգության հարցերով խորհրդական Օ՝Բրայանի հետ ունեցած զրույցի առնչությամբ:

Նշվում է՝ կողմերը քննարկել են ռազմավարական գործընկերությանը վերաբերող կարևոր հարցեր, ինչպես նաև Վրաստանի և տարածաշրջանի անվտանգության մարտահրավերները:

Գախարիան, մասնավորապես, գրել է.  «ԱՄՆ նախագահի ազգային անվտանգության հարցերով խորհրդական Ռոբերտ Օ’Բրայենի հետ մենք քննարկել ենք ԱՄՆ-ի և Վրաստանի ռազմավարական գործընկերության, Վրաստանի եվրաատլանտյան ինտեգրման և օկուպացիայի խնդիրները: Վրաստանն ԱՄՆ-ի հաստատակամ դաշնակիցն ու ռազմավարական գործընկերն է սևծովյան տարածաշրջանում: Մեր ժողովուրդները շարունակում են ուսումնասիրել համագործակցության նոր ոլորտներ»: