Շվեյցարիան հավատարիմ գործընկեր է

Հայաստանի նախագահի նստավայրում այսօր տեղի է ունեցել Շվեյցարիայի նախագահ Միշելին Քալմի-Ռեյի հրաժեշտի պաշտոնական արարողությունը. տեղեկացնում է :

Մինչ  այդ տեղի ունեցած առանձնազրույցի ժամանակ երկու երկրների ղեկավարներն ամփոփել են այցի արդյունքները:

Նախագահ Սերժ Սարգսյանը հույս է հայտնել, որ  տիկին Քալմի-Ռեյի այցից հետո Հայաստանի և Շվեյցարիայի միջև հարաբերություններն ավելի կամրապնդվեն:

Շվեյցարիայի նախագահը ևս գոհունակությամբ է խոսել այցի արդյունքների մասին` շնորհակալություն հայտնելով ջերմ ընդունելության համար:

«Այս այցելությունը ցույց է տալիս, որ մեր երկու երկրներն էլ կամք ունեն` երկկողմ հարաբերությունները զարգացնելու: Դուք գիտեք, որ Շվեյցարիան հավատարիմ գործընկեր և բարեկամ երկիր է»,-հրաժեշտից առաջ ասել է Շվեյցարիայի Համադաշնության նախագահը: