Շվեյցարիան սառեցրել է հյուսիսաֆրիկյան նախկին ղեկավարների բանկային ակտիվները

Շվեյցարիայի իշխանությունները սառեցրել են Եգիպտոսի նախկին նախագահ Հոսնի Մուբարաքի` 410 մլն ֆրանկ (մոտ 470 մլն դոլար) արժողությամբ, Լիբիայի առաջնորդ Մուամար Քադաֆիի` 360 մլն ֆրանկ (մոտ 415 մլն դոլար) արժողությամբ, Թունիսի նախկին նախագահ Զին ալ Աբիդին բեն Ալիի` 60 մլն ֆրանկ (մոտ 69 մլն դոլար) արժողությամբ բանկային ակտիվները. տեղեկանում է Reuters գերծակալությունը` վկայակոչելով Շվեյցարիայի ԱԳՆ-ն:

«Այդ գումարները սառեցվել են Շվեյցարիայի կառավարության` պոտենցիալ ոչ լեգալ ակտիվներին վերաբերող համապատասխան ցուցմունքների համաձայն»,- ասել է ԱԳՆ պաշտոնական ներկայացուցիչը:

Մուբարաքի եւ Քադաֆիի ներդրումները Շվեյցարիայում սառեցվել են փետրվարին, բեն Ալիինը` հունվարին: