Այսօր սկսվում են թուրք-ադրբեջանական համատեղ լայնածավալ զորավարժությունները

Համաձայն Ադրբեջանի Հանրապետության և Թուրքիայի Հանրապետության ռազմական համագործակցության մասին համաձայնագրի տարեկան պլանի, այսօր Ադրբեջանում մեկնարկում են ադրբեջանա-թուրքական համատեղ լայնածավալ մարտավարական և մարտավարական թռիչքային վարժանքներ՝ մարտական կրակով՝ երկու երկրների ցամաքային զորքերի և օդուժի մասնակցությամբ:

Ինչպես ավելի վաղ հայտնել էին Ադրբեջանի ՊՆ մամուլի ծառայությունից, համատեղ զորավարժություններին կներգրավվեն անձնակազմը, զրահատեխնիկան, հրետանային կայանքները և ականանետերը, ինչպես նաև երկու երկրների բանակների ռազմական ավիացիայի և հակաօդային պաշտպանության սարքավորումները:

Ըստ պլանի՝ զորավարժությունները Ցամաքային ուժերի ներգրավմամբ կանցկացվեն օգոստոսի 1-ից 5-ը Բաքվում և Նախիջևանում, իսկ զորավարժությունները՝ ռազմական ավիացիայի մասնակցությամբ, կանցկացվեն հուլիսի 29-ից օգոստոսի 10-ը՝ Բաքվում, Նախիջևանում, Գյանջայում, Քուրդամիրում և Եվլախում: