Սիրիական ՀՕՊ-ը հետ է մղել անօդաչուների գրոհը Համայի նահանգում

Անցյալ գիշեր Սիրիայի ՀՕՊ համակարգերը հետ են մղել անօդաչու թռչող սարքերի հարձակումը Համայի նահանգի Սալամիյե շրջանում. հայտնում է SANA պետական գործակալությունը:

«Այն ձայները, որոնք երեկոյան հնչում էին, ՀՕՊ-ի աշխատանքի արդյունքն են անօդաչուների հարձակումը հետ մղելիս՝ Սալամիա քաղաքում», - գրում է գործակալությունը:

Այժմ ճշտվում է, թե որտեղից են ուղարկվել անօդաչուները և ում են պատկանում:

Անցյալ շաբաթ Իդլիբի զինյալները երկու անօդաչու սարքերով փորձել էին հարձակվել Հմեյիմի ավիաբազայի վրա: Հենակետից հինգ կիլոմետր հեռավորության վրա ինքնաթիռները ոչնչացվել են Ռուսաստանի ՀՕՊ համակարգերի կողմից: Միևնույն ժամանակ, ոչ ոք չէր տուժել, և նյութական վնաս չէր պատճառվել: