Հայտնի են կորոնավիրուսի դեմ պատվաստանյութի ազդեցության ժամկետները

AstraZeneca դեղամիջոցներ արտադրող բրիտանական ընկերության COVID-19-ի դեմ հնարավոր պատվաստանյութը օրգանիզմը վարակից կպաշտպանի մոտ մեկ տարի. այս մասին հայտարարել է ընկերության ղեկավար Պասկալ Սորիոն, գրում է Reuters-ը:

Նրա խոսքով՝ ընկերությունն արդեն սկսել է պատվաստանյութի փորձարկումը մարդկանց վրա, առաջին փուլը շուտով կավարտվի. «Եթե ամեն ինչ լավ ընթանա, ապա օգոստոս-սեպտեմբեր ամիսներին մենք կստանանք կլինիկական փորձարկումների արդյունքներ: Զուգահեռաբար, իրականացվելու է արտադրությունը»,- ասել է Սորիոն:

Միևնույն ժամանակ նա շեշտել է՝ արդեն հոկտեմբերին AstraZeneca-ն պատրաստ կլինի մատակարարել պատվաստանյութը: