Twitter-ը Ռուսաստանի, Չինաստանի և Թուրքիայի հետ կապված ավելի քան 30 հազար օգտահաշիվ է արգելափակել

Twitter-ի ղեկավարությունը Ռուսաստանի, Չինաստանի և Թուրքիայի հետ կապված 32 հազար օգտահաշիվ է արգելափակել: Ըստ պարզաբանման` դրանք իբր կիրառվել են «այդ երկրների իշխանությունների համար շահավետ քաղաքական տեղեկատվության տարածման համար». ըստ yerkir.am-ի` տեղեկացնում է rosbalt.ru-ն:

Սոցցանցի կայքում տեղադրված պարզաբանման համաձայն` օգտահաշիվների մեծ մասը պատկանել է Չինաստանից օգտատերերի` 23750-ը: 1152-ը գրանցված են եղել Ռուսաստանում, կապ են ունեցել «Արդիական քաղաքականություն» կայքի հետ, որն, «ի պաշտպանություն Մոսկվայի, քարոզչություն է իրականացնում»: Կայքն իբր առաջ է տանում «Միասնական Ռուսաստանի» շահերը և քարոզական հարձակումներ իրականացնում ընդդիմադիրների վրա: