Եվրոպական գործակալությունները առաջարկում են ինքնաթիռներում կրճատել ուղևորների թիվը

Պարտադիր դիմակների կրում, սոցիալական հեռավորություն և ինքնաթիռների ուղևորների թվի կրճատում. սրանք են համավարակի պայմաններում Ավիացիոն անվտանգության եվրոպական գործակալության, Հիվանդությունների կանխարգելման և վերահսկման եվրոպական կենտրոնի հիմնական առաջարկներն ավիաընկերությունների համար, այս մասին գրում է «Ինտերֆաքս» լրատվական գործակալությունը։ 

Մասնավորապես, նշվում է՝ բժշկական դիմակներ պետք է կրեն բոլոր ուղևորները և ինքնաթիռի անձնակազմը` բացառությամբ մինչև 6 տարեկան երեխաների: Դիմակները պետք է փոխվեն 4 ժամը մեկ, ուստի, ուղևորները պետք է իրենց մոտ ունենան հավելյալ դիմակ:

Միևնույն ժամանակ պետք է ինքնաթիռում այնպիսի պայմաններ լինեն, որ ուղևորների միջև ապահովվի 1.5 մետր հեռավորություն: Այդ իսկ պատճառով հստակեցվում է, որ սկզբնական փուլում իքնաթiռներում ոչ բոլոր տեղերը զբաղեցվեն:

Այնուամենայնիվ, քիչ թվով ուղևորներ տեղափոխելու առաջարկը միանշանակ չի ընդունվում: Մի շարք ավիաընկերություններ այն կարծիքի են, որ դա կհանգեցնի ֆինանսական վնասի: Ավիաընկերությունները ստիպված կլինեն բարձրացնել տոմսերի գները: