Միշուստինը չեղարկել է ինքնաթիռներում ԽՍՀՄ ժամանակների ճաշացուցակը

Ռուսաստանի վարչապետ Միխայիլ Միշուստինը չեղարկել է ինքնաթիռներում ճաշացուցակը հաստատող 1988թ.-ի հրամանը. այս մասին հայտնում է ՌԻԱ «Նովոստին»:

Ըստ չեղյալ հայտարարված կանոնների՝ սննդաբաժինը պետք է ներառեր սերուցքային կարագ, նախուտեստ, տաք ուտեստ՝ խավարտով, թեյ կամ սուրճ, կիտրոն, շաքար, հրուշակեղեն, մրգեր կամ մրգահյութ, «Ամառային» բուլկի, հաց, ջեմ, զովացուցիչ ըմպելիք, ինչպես նաև համեմունքներ ու ատամի չոփիկներ:

Ներկայիս օրենսդրությամբ նախատեսվում է, որ ավիաընկերությունն ուղևորներին տաք ուտեստ պետք է տրամադրի երեք և ավելի ժամ տևող չվերթի դեպքում: Ճաշացուցակը կարող են կազմել հենց փոխադրողները: Սակայն, նրանք իրավունք ունեն ըմպելիքներ և սնունդ չտրամադրել, եթե դա նշված է իրենց կանոններով, իսկ ուղևորներին տեղեկացվել է այդ մասին մինչև թռիչքը: