Ryanair-ը կորոնավիրուսի պատճառով նախատեսում է 3000 աշխատատեղ կրճատել

Իռլանդական «Ryanair» ավիաընկերությունը պլանավորում է կրճատել 3000 աշխատատեղ կորոնավիրուսային ճգնաժամի պատճառով, որը հանգեցրել է թռիչքների գլոբալ դադարեցմանը. այս մասին հայտնում է Yerkir.am-ը՝ Sky News-ին հղումով։

Նշվում է՝ ըստ ավիաընկերության հայտարարության՝ մինչև 2022 թվականի ամառ չի ակնկալում ուղևորների կամ գների վերականգնում։

Կրճատումները հիմնականում կվերաբերվեն օդաչուներին և բորտուղեկցորդներին։ Բացի այդ ավիաընկերությունը մանրամասնել է նաև, որ ծախսերի կտրուկ կրճատման շրջանակում մինչև ուղևորափոխադրումների վերսկսումը հնարավոր է փակվեն Եվրոպայում ընկերության մի շարք բազաներ, իսկ աշխատատեղերի կրճատումը կմեկնարկի հուլիսից: